Dialog orang kampung ese

 

 

Berikut adalah sedutan dialog  atau mesyuarat  datuk-datuk di kedai kopi Adam Sham di kampong  saya . Datuk-datuk ini telah mempunyai lebih 10 orang cucu dan  lebih 2 orang cicit.

Agenda  1.

Rasuah Mempertahankan Putrajaya

Budak-budak sekolah ghondah  kito boghi dio  100 ringgit, sobab dio ghamai nanti tak cukup duit kito” . Lai pun dio budak-budak mano tau guno duit dan tak buleh ngundi”. Omak he pandang, ooooi  baik kerajaan budak pun dapek duit.”

“Budak sekolah menongah pun boghi , tapi sampai tingkatan 4 yo, sobab kalau sampai tingkatan 5, hoi ghamai bonar , mano nak ghaboan duit”

“Budak uniborsiti kito boghi 200 ringgit pasal tak lah ghamai bonar ado lai duit kito”.

“oghang pencen SC, Home gard, polis mati di tembak kominis  ko ,apo yang disobot kek mat sabu tu,kito boghilah 1000 ringgit. “ tak ramai bonar lai tu do, kok ado pun jando-jando he , itu ontah-ontah beghapo oghang yang tinggal”.

“ Tapi jangan lupo yang masih melambak sekaghang ni  oghang yang kurang dapek 3000 ringgit sebulan kito boghi dio 500 ringgit , apo nak kigho bonar kita dapek lobih 250 juta.

“ cubo kito pikir, ado lai tak yang  tetingga”.

“raso eh tak ado lai datuk, somuo dah kono dah tu”.

Datuk Wan menyampuk selepas termenung –menung dan mencongak-congak  kira-kiranya” mano kita nak ghaboan duit ni datuk”.

“melambak-lambak  simpanan kek petronas,untung berbilion-lion , kwsp, banyak duit tak tau nak labor mano tu boghi kito pinjam dulu ,kek bank,asnb hai besepah lai pinjam lah dulu”.esok dapek balik putrajaya sok kito gantilah”.kalau tak ado duit pun komisyen den 500 juta ado, apo yang nak di risaukan”.

“kok dapek putrajaya tok, kalau tak dapek  macam mano?” tak dapek sok pokok dek kerajaan yang baghulah”. ” Kok kito masuk penjagho”.apo namo eh”.

Agenda 2

Masalah Anwar masih hidup lagi.

“Nampak eh nuar ni kito tak tau lai nasib 9 hb. ni. Walaupun ese dah bisik –bisik dan beghabih duit promosi biar dio kono penjagho, tapi takut nanti hakim terbalik terkolontang, kato eh tak bersalah , nampak eh paghahlah kito”.dio ni pueh dah macam-macam kito buek an tapi oghang tak yo meludah muko he. Bertopok ado lah”.

 “ tak usah risau gerenti”.den dah banyak duit keluar upah saksi jangan ghisau kito dongar yo ,9 hb ni  humban an kek penjara”.

“ lai pun banyak oghang kanan eh, den dah upah  bughuk an dio,”ustazah cantik kito yang dah boghi jawatan tu percayo nuar memang meliwat, lobai askar tu dah ngam samo kito “.

“Tapi tok, firaun Malaysia  ado cakap gini tok”

 

“Saya pergunakan kuasa saya ketika itu ,Saya tangkap Dato’ Seri Anwar,saya masuk kan dalam penjara ,bukan ada salah apa pun dia, orang semua nampak”. Ketika itu saya ada kuasa ,sekarang saya tak ado kuasa”.

“Pedulikan dio bukan semua oghang tengok dan dongar cakap firaun tu, oghang kampong tak tau tu doh”.